Bring your Candle

E be like say I dey for darkroom

Without window

Without door

Eferiwhere jus dark patapata.

E be like say I get one hungiry

Wey chop no fit quench

De hungiry dey wire me

From morning reach night.

I sabi say darkness go quench

Wen you bring your candle

I sabi say hungiry go pafuka

Wen you bring your chop.

Bring your candle make we see together

Bring your chop make we chop bellewise.

Na only you fit killi de darkness

Na only you fit quench my hungiry.

Come now:

Na only you ! ! !