Brain Wetin?

Weder na pain or na gain

Abi na drain or train

Dem say na only person

Wey get brain

Go gain

But answer me!

Before I give you pain:

You don see somebody

Wey no get brain?

Wen you put leg

For de train

Dem go talk say you no patriotic

You no love your contri.

But wetin man pickin go do

Afta oga saboteur

Don spoil contri finis?

Dem call am brain drain

Becos you tire for chain of

Waka waka unemploy.

Brain wetin?

Dat one na foul!

Make you lef de people

Wey get chance

Make dem go service dem brain

For place where

respect dey for brain.