Allow me Rest

I run go north

East and west no where I no enta

And man scatter go south

Eferibodi dey ask say wetin I dey fain.

I climb Kilimanjaro

I don waka  waka for Sahara

I enta ocean like fish

People think say man

Wan run mental.

Wetin I dey fain?

I fain am for sleep

I fain am for chop

I fain am for work

Wetin I dey fain?

I no fit challenge Tyson

I no be Maradona

But dem nefer born de person

Wey go stop me from

De thin I dey fain.

Na immediate I see you

Na immediate I see you

My mind jus coole like ocean breeze:

Make you allow me rest

Becos na you I dey fain.